مشاكل حب من طرف واحد

واحد صاحبي بيقولي انا انا بحب واحدة حب جنون وخايف أقلها تزعل مني ، حاولت أكتر من مرة ان انا اصارحها بحبي ليها بس معرفتش والظروف مش خادماني خالص ، هي مؤدبة جدا وجميلة ,اخلاقها كويسة ومتدينة ، وأنا كنت عايز أبعت أقلها إني انا بحبها بس لسه قدامي 3 سنين عشان أتقدملها يعني بعد أما أخلص تعليمي بس مش عارف اقلها ومعرفش حد من جيلها يقلها وهي اصغر مني ياريت تشوفولي حل أكلمها اذاي مع ان المكان اللي بتروحه انا بروحه ببصلها دايما عشان تبصلي وهي من كتر الأدب وشها بيبقى في الأرض مش عارف ألمحلها ازاي ...... ساعدوني

أنا بقول ان الاحسن انو ميقولهاش
و يصبر لحد ما يخلص مادامت هيا لسه مارتبطتش عشان هوا فعلا لو قالها ممكن تعتبرها قلة أدب و خاصة ان هيا مؤدبة زى ما بيقول
ممكن يوصلها لها بطريقة تانية بدل ما يقولها كده
لو هوا جاد فعلا ف انو عايز يتقدم ممكن يروح يتقدم من دلوقتى بس مش رسمى(يعنى يعرف والدها وعيلتها انو طالب ايدها بس لما يخلص تبقى كل حاجة رسمى)بحيث ان هيا لو مش بتفكر فيه تبدأ تفكر فيه و تبقى عارفة ان هوا مهتم بيها
وربنا يعمللو اللى فيه الخير
ده رأيى وربنا يوفقه